Türkiyənin Xalqların Demokratik Partiyası (HDP) parlament seçkilərində uğur qazanacağı təqdirdə Ermənistanla münasibətlərin normallaşmasına və qondarma erməni soyqırımının tanınmasına çalışacaq.

Axar.az xəbər verir ki, bu barədə partiyanın beynəlxalq əlaqələr üzrə müşaviri Nəzmi Gur deyib.

"Biz Ermənistanla münasibətlərin normallaşması istiqamətində imzalanan protokolların yerinə yetirilməsinə və sərhədlərin açılmasına çalışırıq. Türkiyə-Ermənistan münasibətləri Dağlıq Qarabağ probleminin həllindən asılı olmamalıdır. Bu, erməni və Azərbaycan xalqlarının problemidir və danışıqlar yolu ilə həll edilməlidir. Biz həmçinin, Osmanlı imperiyasında baş vermiş erməni soyqırımını da tanımağa cəhd edirik", - Gur bildirib.