"Seçkinin nəticəsini çaxnaşma yaratmadan, sağlam şəkildə qiymətləndirməliyik".

Axar.az xəbər verir ki, bu açıqlama ilə Türkiyənin sabiq prezidenti Abdullah Gül çıxış edib. O, iyunun 7-də ölkədə keçirilən parlament seçkisinə münasibət bildirib:

"Çoxpartiyalı bir sistemdə yaşayırıq. Bu cür nəticələr hər zaman ola bilər. Keçmişdə də çox olub. Hər kəs çox çalışdı, çox yoruldu. Birlikdə bir hökumət qurmağı sınamaq lazımdır. Seçki asan bir şey deyil. Məmləkətin idarə edilməsi məsələsinə bir ananın uşağına yaxınlaşdığı kimi yaxınlaşmaq lazımdır. Yəni ölkənin anası kimi… Yetkin bir şəkildə".

Qeyd edək ki, iyunun 7-də keçirilən parlament seçkisində AKP 258, CHP 132, MHP 80, HDP 80 millət vəkili yeri qazanıb. Türkiyədə bir partiyanın təkbaşına hökumət formalaşdırması üçün parlamentdə ən azı 276 millət vəkili yeri qazanması lazımdır. Hazırkı nəticələr isə koalisiya hökumətinin qurulmasını tələb edir.