Son aylar xüsusilə Qərb siyasi dairələri və mediasında Azərbaycana qarşı təzyiq kampaniyalarının artırılması müşahidə olunur. Bu, bizim üçün yeni deyil, mənbələri və səbəbləri yaxşı məlumdur.

Axar.az xəbər verir ki, bu sözləri Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev deyib.

Onun sözlərinə görə, islamafobiya, türkofobiya kimi faktorlar - yəni problemə qriyentalist yanaşma, erməni lobbisi faktoru və digər məsələlər həmişə Qərb, o cümlədən rus yanaşmasında öz əksini tapıb:

“İndi, 1915-ci il hadisələri ilə əlaqədar aprel ayında yeni antiazərbaycan və antitürk kampaniyalarının başlamasını gözləyək. Erməni işğalına, hərbi cinayətlərə, həm Ermənistanda, həm də Azərbaycanın işğal olunmuş ərazilərində mədəni irsin dağıdılmasına göz yuman ölkələr tarixi hadisələri bugünki geosiyasi tələblərə uyğun şərh edəcəklər”, – deyə o bildirib.