"Son seçkilərin nəticəsindən asılı olaraq Türkiyə Prezidenti Rəcəb Tayyib Ərdoğan üçün şərait yaranıb".

Bu sözləri Axar.az-a açıqlamasında politoloq Adıgözəl Məmmədov Ərdoğanla Putinin Bakıda gözlənilən görüşünü şərh edərkən söyləyib. Onun sözlərinə görə, Ərdoğan Türkiyəni başqanlıq sisteminə keçirmək istəyir:

"Ərdoğanın bəyənilməmiş siyasətinin nəticələrindən biri, xüsusən son dönəmlər Rusiya yönümlü demarş idi. Çünki bütün NATO üzvü olan dövlətlər Avropa İttifaqının Rusiyaya qarşı tətbiq etdiyi iqdisadi blokadada iştirak edirdilər. Amma Türkiyə NATO dövləti olaraq, bu blokadadan imtina etdi. Bu, əslində NATO prinsiplərinə və Avropa Birliyi dövlətlərinə interasiya istiqamətində proqramlara zidddir. Əslində Ərdoğan Türkiyənin milli maraqlarından çıxış edərək buna getdi. Türkiyənin milli maraqları iqdisadi hesablamalara görə daha çox Rusiya ilə uzlaşır. Artıq müəyyən mənada mənfəətli işlər əldə etmək üçün məkan yaranıb. Yəqin ki, Bakı görüşündə də bu məkan istiqamətində müzakirələr aparılacaq. Bu müzakirələrin nəticəsi əlbəttə ki, tək yuxarıda qeyd etdiyim məsələ deyil. Burada yeni bir geosiyasi konstruksiya formalaşmasından da söhbət gedə bilər. Amma burada, Ərdoğana status məsələsində əvvəlkindən fərqli bir yanaşma olacaq. Cünki bu son seçimin nəticəsi olaraq Ərdoğanın statusu müəyyən qədər zədə aldı. Hesab edirəm ki, Rusiya da Ərdoğan şəxsiyyəti timsalında Türkiyə istiqamətində, region istiqamətində öz strateji siyasi və iqdisadi proyektlərini həyata keçirməyi hesablayıb. Bakıda çox güman ki, Ərdoğanla Putinin qızğın müzakirəsi olacaq".