Albert Rıjiyi qətlə yetirən şəxsin həbs görüntüləri yayılıb.

Axar.az “Praym Kraym”a istinadla xəbər verir ki, yaxalanan şəxs özünü Mətləb Paşa oğlu Sultanov kimi təqdim edir.

O, qətli törətməyinin səbəbi kimi Əli Heydərovun (Albert Rıjiy) telefonda onu təhqir etməsini göstərir.

Xatırladaq ki, daha öncə Əli Heydərovu güllələyənin Taleh Orucov adlı şəxs olduğu və artıq saxlanıldığı haqda məlumatlar yayılmışdı. Rusiya İstintaq Komitəsinin Moskva üzrə istintaq İdarəsinin rəhbərinin baş köməkçisi Yuliya İvanova açıqlamışdı ki, o, kirayə qaldığı mənzildə yaxalanıb, onun dindirilməsi ilə bağlı zəruri istintaq tədbirləri həyata keçirilir, mənzildə axtarış aparılır.