Avrasiya İqtisadi İttifaqı ölkələri (Aİİ) və qurumun Hökumətlərarası Şurasının iclası aprelin 29-30-da Kazanda keçiriləcək. Bu iclasda Azərbaycan nümayəndə heyətinin iştirakının mümkünlüyü artıq müzakirə olunub (Şuranın iclasında adətən hökumət başçıları iştirak edir).

Axar.az xəbər verir ki, bu barədə erməni siyasi icmalçı Ambarsum Qabanyan yazıb.

“Rusiya və Ermənistanda artıq bu məlumatı təsdiq ediblər. Rusiya nəşri RBK Ermənistan diplomatı ilə müsahibə də edə bilib. Adı gizli saxlanılan erməni diplomat qeyd edib ki, həqiqətən də Bakının dəvəti ilə bağlı ideya var: “Prinsipcə bunun əleyhinə deyilik, biz həll olunmamış məsələlər, o cümlədən “hərbi əsirlər” məsələsinin həllini istəyirik".

Buna cavab olaraq RBK qeyd edib ki, rəsmi Bakı Ermənistandan Azərbaycana göndərilmiş təxribat qrupunun üzvlərinin Qarabağla bağlı üçtərəfli bəyanatın imzalanmasından bir ay sonra hərbi əsir sayıla bilməyəcəyini dəfələrlə bəyan edib.

Ermənilər bütün bunları oxumaq istəməsələr də, başqa yolları yoxdur. Bu, Ermənistanın yeni reallığıdır”, - deyə erməni ekspert bildirib.

Məqalə müəllifi qeyd edib ki, bu gün Bakı hər bir dövlət ilə həm ayrı-ayrılıqda, həm də müxtəlif təşkilatlar çərçivəsində dostluq edə bilir, İrəvan isə hər yerdə bir zibil çıxarır.