"Bunları böyük idman tədbiri ilə əlaqələndirmənin məntiqi izahını tapa bilmirəm".

Axar.az xəbər verir ki, bu açıqlama ilə deputat Fazil Mustafa çıxış edib. Millət vəkili Azərbaycanda insan haqları ilə bağlı problemi istisna etmədiyini, bu barədə dəfələrlə məsələ qaldırdığını və hazırda müzakirələr getdiyini də bildirib:

"Ancaq idman oyununun təqdimatında BBC ilk olaraq məhbuslarla başlayır, avstriyalı idmançıların kiçik qəza anını göstərir, ardınca açılış mərasiminə keçir. Bu, həmin BBC-dir ki, Ermənistandakı soyqırım tədbirini izləyərkən tarixi xronika olaraq türklərin ermənilərə qarşı hərəkətlərini verir, ardınca isə ermənilərin xeyrinə şərhləri ard-arda təqdim edirdi. Bir epizod da olsa, insan haqları mövzusuna toxunmurdu. İndi də Almaniya Bundestaqı Oyunların açılış günü insan haqlarının vəziyyəti ilə bağlı qətnamə qəbul edir. Həqiqətən koordinasiyalı bir çalışmaların olduğu hiss edilir. Bunları böyük idman tədbiri ilə əlaqələndirmənin məntiqi izahını tapa bilmirəm. Ona görə də bu ərəfədə ölkəmizə qarşı olan bu süni təzyiqlərə qarşı mövqe ortaya qoymağımızı çox vacib hesab edirəm".