Rus əsilli qızların Krım tatarı olan bir qızı təhqir etməsi, onu daşıdığı milli kimliyə görə aşağılaması artıq Azərbaycan mediasının da diqqətini çəkib.

Axar.az xəbər verir ki, ötən həftə baş verdiyi bildirilən olay sosial şəbəkələrin Türkiyə seqmentində kəskin etirazlara səbəb olmuşdu.

Diqqətçəkən odur ki, hələlik əldə etdiyimiz iki videonun hər ikisində təhqir edilən eyni qızdır. Videonu onun sinif və yaxud məktəb yoldaşları olan oğlanların çəkdiyi kamera arxasındakı səslərdən bilinir. Hadisə Baxçasarayda baş verib.

Bütün hallarda bir neçə qızın bir uşağı onun etnik mənşəyinə görə təhqir etməsi, həm də bunun ardıcıl olması haqlı etirazlar doğurur. Üstəlik, Krım tatarını öz doğma yurdunda rus uşaqların bu qədər alçaltması qəbuledilməzdir.

Videoların yayılmasına Rusiyadan indiyədək heç bir reaksiyanın verilməməsi isə Krıma münasibətin daha bir göstəricisidir.