Ana səhifə Gündəm |
Bayden rəhbərliyi sırf erməni lobbilərinə verdiyi vədlərə görə nə tarixi qərar verə, nə də bir milləti “soyqırım”a görə günahlandıra bilər.
Axar.az xəbər verir ki, bunu Türkiyənin vitse-prezidenti Fuad Oqtay ölkə mətbuatına açıqlamasında deyib.
O bildirib ki, “soyqırım” ifadəsinin özü belə hər kəs üçün istifadə ediləsi asan söz deyil.
“Baydenin açıqlamasından sonra Türkiyə-ABŞ münasibətləri zərər gördümü” sualını cavablandıran F.Oqtay iki ölkə arasında onsuz da fikir ayrılığının mövcud olduğunu bildirib:
“Bu qərarlar ərəfəsində belə ABŞ və Türkiyə prezidentləri telefon əlaqəsi saxladı. İyunda NATO zirvəsində bir araya gələcəklər. Ümid edirəm ki, bu, yeni başlanğıc olar. Türkiyə ABŞ-la illərdir tərəfdaşdır. Ancaq münasibətlərin təkrar sıfırlanması lazımdır. İyunda yeni başlanğıc etməliyik. ABŞ rəhbərliyinin qərarlarını yenidən gözdən keçirməsini dörd gözlə gözləyirik”.
Tarix
2021.05.01 / 22:02
|
Müəllif
Samir Soltanov
|