Baş verən bu hadisəni məişət xarakterli hal kimi qiymətləndirirlər. Amma əldə olunan informasiyalara görə, bu, təxribat xarakterlidir.

Axar.az xəbər verir ki, bunu Borçalı İctimai Cəmiyyətinin sədri Zəlimxan Məmmədli Dmanisidə Svanetidən olan eko-miqrantlar – svanların yerli azərbaycanlılara hücumu haqda danışarkən deyib.

O qeyd edib ki, bu prosesin içində polisin iştirakının olduğunu düşünənlər də var:

“Bütün halda kütləvi şəkildə bir dəstə xuliqan azərbaycanlıların əmlakına, sağlığına ziyan yetirən hərəkət törədir. Baş verən hadisə cinayətdir. Qəti şəkildə pislənilməlidir və obyektiv şəkildə araşdırılmalıdır. Araşdırılma işində QHT-lərin, millət vəkillərinin, media mənsublarının iştirakı arzuolunandır. Çünki zaman-zaman etnik kimliyimiz təhqir olunur. Bunların özü soydaşlarımızı yaşadığı həmin yerdə ehtiyyatlı olmağa vadar edir. Gürcüstan rəhbərinin bu hadisəyə birbaşa müdaxilə etməsi lazımdır”.