Azərbaycan Prezidenti İlham Əliyevlə Türkiyə dövlət başçısı Rəcəb Tayyib Ərdoğanın birgə poza verməsi dünyaya “İki dövlət, bir millət olaraq biz bu torpaqlardayıq” mesajıdır.

Axar.az xəbər verir ki, bunu türkiyəli jurnalist Murad Çiçək deyib.

“Şuşa 30 ilə yaxın işğal edilmiş və əsarətdə olan bir şəhər olub. İşğaldan azad ediləndən sonra yenidənqurma işlərinə başlanılıb. Şuşa əvvəlki şöhrətinə qovuşur. İki türk liderinin Şuşada görüşməsi çox əhəmiyyətlidir. Bütün dünyaya Türkiyənin də burda olduğu mesajı verildi. Azərbaycan Qafqazda söz sahibi bir ölkədir. Azərbaycanın yanında olan Türkiyənin də Qafqazda söz sahibi olması artıq möhürləndi”, - jurnalist bildirib.