Bu insanlar keçdikləri müalicəni sübut etməli və onların idiki vəziyyətləri, eyni zamanda antitel səviyyəsi yoxlanmalıdır. Daha sonra bu insanların gizli yoluxması onlar üçün avantaj sayılmalı və onlara immunitet sertifikatı verilməlidir.

Bu sözləri Axar.az-a açıqlamasında millət vəkili Fazil Mustafa koronavirusu gizli keçirən şəxslərə immunitet sertifikatının verilməsi barədə təklifə münasibət bildirərkən deyib.

Deputat bildirib ki, xəstəliyi keçirmiş insana yenidən bununla bağlı heç bir tələb qoyula bilməz.

Fazil Mustafa eyni zamanda ana olmağa hazırlaşan və ya yüngül allergiya səbəbindən vaksin vurdurmayan insanlara da güzəşt edilməli olduğunu vurğulayıb.