Ermənistanın Ararat vilayətində baş verən yol nəqliyyat hadisəsi nəticəsində daha bir erməni zabit ölüb.

Axar.az erməni mediasına istinadla xəbər verir ki, qəza bu gün səhər saatlarında – 05:30-da olub. İrəvan-Arazdəyən (Yerasx) şosesində hərəkət edən maşın idarəetmədən çıxaraq aşıb. Sürücü, 35 yaşlı Ararat sakini Arsen Mirzoyan hadisə yerində ölüb.

Onun Ermənistan ordusunda tağım komandiri olduğu bildirilir.

Qeyd edək ki, İrəvan-Arazdəyən yolunda bir neçə gün öncə də qəza nəticəsində bir erməni əsgər ölmüş, 5-i yaralanmışdı.

Ötən gecə Ermənistan ordusu məhz bu istiqamətdən Azərbaycan əsgərlərini atəşə tutub.