Reaktiv yaylım atəşi sistemi olan “Polonez” 44 günlük müharibə zamanı Ermənistanı dəlisov addımlardan çəkindirəcək özünəməxsus sığorta, qalxan rolunu oynaya bildi.

Axar.az xəbər verir ki, bu fikirlərlə tanınmış hərbi şərhçi, Belarusun müdafiə və hərbi sənaye kompleksi üzrə aparıcı eksperti Aleksandr Alesin çıxış edib.

Onun sözlərinə görə, Azərbaycan Ordusunun komandanlığı Belarus və İsrailin köməyi ilə özünün Hava Hücümundan Müdafiə (HHM) sistemində düzgün islahatlar apararaq, 44 günlük müharibə dövründə Ermənistan aviasiyasını tam iflic vəziyyətinə sala bildi.

“Belarusun istehsal etdiyi hərbi hava hücumundan müdafiə vasitələrini də əldə etməklə Azərbaycan öz HHM sistemini ideal vəziyyətə gətirib çıxara bildi”, - deyə ekspert qeyd edib.