Milli Məclisin Mədəniyyət Komitəsinin sədri Qənirə Paşayeva Nəriman Nərimanovun ev muzeyinin direktoru Kamilə Hüseynova, Cəfər Cabbarlı ev muzeyinin direktoru Qəmər Seyfəddinqızı və Əbdürrəhim Bəy Haqverdiyevin nəslinin davamçısı (nəticəsi), Əbdürrəhim Bəy Haqverdiyev Mərkəzinin rəhbəri Eldar Məlik-Abbasla görüşüb.

Axar.az xəbər verir ki, Mədəniyyət Komitəsində baş tutan görüşdə hər üç mütəfəkkir ədibimizin adını daşıyan ocaqların fəaliyyəti barədə ətraflı söhbət açıb.

Eyni zamanda, ev muzeylərinin və mərkəzin fəaliyyətinin genişləndirilməsi, mütəfəkkir ədiblərimizin irsinin qorunması, təbliği ilə bağlı fikir mübadiləsi aparılıb.

Komitə sədri hər üç mədəniyyət işçisinə Qarabağ motivli xatirə hədiyyəsi təqdim edib.