Azadlıq Hərəkatı təşəbbüs qrupunun üzvləri delimitasiya və demarkasiya ilə bağlı danışıqlara etiraz olaraq aksiyaları davam etdirir.

Axar.az xəbər verir ki, bu barədə erməni mətbuatı yazıb.

“Bu, dinc aksiyadır. Biz Nikol Paşinyanın antierməni proqramına etiraz edirik”, - Dirçəliş Partiyasının lideri Ara Zöhrabyan bildirib.

Etirazçılardan biri isə deyib ki, bu aksiya türklərə qarşıdır:

“Məlumat üçün demək istəyirəm ki, Zəngəzurun yolları bağlıdır, həmvətənlərimiz sərbəst hərəkət edə bilmir”.

Digər etirazçı isə xalqı aksiyaya qoşulmağa çağırıb:

“İnsanlar, oyanın, bizim aksiyaya qoşulun”.

Qeyd edək ki, bu aksiyalara rusmeyilli müxalifət qoşulmur, ona görə də etirazlarda barmaqla sayılacaq şəxs olur.