Azərbaycan Ordusu 3 dekabrda əsgərimizə hücum etdiyi üçün zərərsizləşdirilən 1956-cı il təvəllüdlü Seyran Sərkisyanın meyitini ermənilərə təhvil verib.

Axar.az xəbər verir ki, bu barədə erməni mediası məlumat yayıb.

Meyit dəfn üçün artıq ailəsinə verilib.

Qeyd edək ki, 3 dekabrda, saat 13:00 radələrində Xocavənd rayonu ərazisində Azərbaycan Ordusunun mövqelərindən birində döyüş növbətçiliyi aparan hərbi qulluqçumuz erməni əsilli şəxs tərəfindən hücuma məruz qalmışdı. Sonradan adının Seyran Sərkisyan olduğu bilinəcək şəxs əsgərimizin silahını ələ keçirməyə cəhd göstərmişdi. O, dərhal zərərsizləşdirilmişdi.

Erməni mediası isə "azaraq" Azərbaycan Ordusunun postuna yaxınlaşan şəxsin "çoban" olduğunu iddia etmişdi.