Ana səhifə Gündəm |
Daha geniş tərkibli İttifaq Dövləti dünyada qüvvələr nisbətinin dəyişməsinə səbəb olar və Rusiyanın beynəlxalq münasibətlərin formalaşdırdığı qayda-qanunlara daha tez müdaxilə etməsinə şərait yarada bilər.
Bu sözləri Axar.az-a politoloq Qabil Hüseynli Aleksandr Lukaşenkonun İttifaq Dövlətinin Rusiya, Belarus, Qazaxıstan və Ukraynanı əhatə edə biləcəyi haqda fikirlərinə münasibət bildirərkən deyib.
“Dünya gücləri belə bir İttifaq Dövlətinin yaranmasına imkan verməyəcəklər. Ukrayna nəinki bu İttifaq Dövlətinə daxil olmaq istəyir, əksinə, Rusiyanın parçalanması və kiçik dövlətlərə bölünməsi ideyasından çıxış edir. Rusiyada 300-dən çox millət və xalq yaşayır. Çoxları Rusiyanı “xalqlar həbsxanası” adlandırır. Buna görə də Ukrayna və Qazaxıstanın İttifaq Dövlətinə daxil olması onların özlərini “xalqlar həbsxanası”na atmasından başqa bir şey deyil. Öz süvinerliyini qoruyub saxlayan ölkələr heç vaxt bu ittifaqa razı ola bilməz”, - Q.Hüseynli bildirib.
Tarix
2022.01.14 / 08:30
|
Müəllif
Didəm Qədirova
|