Rusiyanın Soçi şəhər meriyasının rəsmi saytında qeyd olunacaq bayramlar sırasında Azərbaycanın Vətən müharibəsindəki qələbəsi – Zəfər günü də göstərilib.

Axar.az xəbər verir ki, bu, 3222 nömrəli “Bayram, xatirə və yubiley günlərinin təqvim planının təsdiqi, 2022-ci il üçün əlamətdar hadisələr və tədbirlər haqqında” Krasnodar vilayətinin Soçi şəhərinin icra hakimiyyətinin 27 dekabr 2021-ci il tarixli qərarında qeyd olunub.

Qərarın 719-cu bəndində 8 noyabr tarixinin yanında “Azərbaycan Respublikasının 2020-ci il Vətən müharibəsində Qələbə Günü” sözləri əks olunub.

Ermənistan tərəfinin çoxsaylı şikayətlərindən sonra bu qərar Soçi Administrasiyasının rəsmi saytından çıxarılıb.

Soçi Aministrasiyasının mövzu ilə bağlı açıqlamasında bildirilib ki, strukturun saytı haker hücumuna məruz qalıb və qərar dəyişdirilib.

Qeyd olunub ki, rəsmi ifadələrin dəyişdirilməsi ilə bağlı digər faktlar da aşkarlanıb.