May ayında “Texnofest” çərçivəsində Bakıda baş tutacaq yarışların birini Şuşada keçirməyi planlaşdırırıq.
Bu sözləri Axar.az-a açıqlamasında "Texnofest"in Müşahidə Şurasının sədri və Türkiyə Teknoloji Komandası Vəqfinin (T3 Vakfı) rəhbəri Səlcuq Bayraqdar deyib.
Bayraqdar eyni zamanda Azərbaycanda fəaliyyət planları haqqında da məlumat verib:
“Müştərək gerçəkləşdirmək istədiyimiz işlər var. Azərbaycanda yalnız "Bayraqdar TB2"-ni deyil, gələcəklə bağlı süni intellekt və digər yeni texnoloji sistemləri özündə birləşdirən işlər görməyi planlaşdırırıq. Hazırda Türkiyənin Sənaye və Texnologiya Nazirliyi Azərbaycanın müvafiq qurumları ilə sözügedən istiqamətdə işlər aparır. Ümumiyyətlə, ortaq əməkdaşlıqla bu sahəni həm Türkiyədə, həm də Azərbaycanda inkişaf etdirmək niyyətindəyik”.