Azərbaycanla bir millət, iki dövlətik. Amma taleyimiz birdir, dinimiz, dilimiz birdir. Bir millət kimi, yeri gələndə isə bir dövlət kimi davranmağı bilirik. Qarabağ zəfəri belə bir duyğu və qərarlılıqla əldə olundu.

Axar.az xəbər verir ki, bunu Türkiyə xarici işlər naziri Mövlud Çavuşoğlu deyib.

"Şuşa Bəyannaməsi ilə əməkdaşlığımız çox fərqli mövqeyə gəlib çatıb. Bu, tam müttəfiqlikdir. Bu, içimizdəki duyğunun reallaşmasıdır. Nəticədə Azərbaycanla bir-birimizi qorumağa, hər sahədə ikitərəfli əlaqələrimizi artırmağa davam edəcəyik. Bizim olmadığımız yerlərdə azərbaycanlı qardaşlarımız Türkiyənin hüquqlarını müdafiə edib", - Çavuşoğlu bildirib.