ABŞ Prezidenti Co Baydenin Rusiyanın yaxın günlərdə Ukraynaya hücum edəcəyi haqda çıxışının və Böyük Britaniya Müdafiə Nazirliyinin mümkün hücum istiqamətləri ilə bağlı xəritə yaymasının ardınca Kremlin fəaliyyəti diqqətdədir.

Axar.az xəbər verir ki, siyasi müşahidəçilər Rusiyanın “bəhanə” hazırladığı iddiasını irəli sürüblər.

Politoloq Elxan Şahinoğlu da düşünür ki, artıq təxribat planının icrasına start verilib:

“Birincisi, Kremldən separatçılara əmr verilib ki, qarşı tərəfi cavab atəşinə məcbur etmək məqsədilə Ukrayna ərazisindəki müxtəlif hədəflər vurulsun.

İkincisi, Rusiya mediası məhz Ukrayna ordusunun “təxribat” yaratdığını, separatçıların mövqelərini bombamaladığı görüntülərini yaymağa başlayıb.

Hərbi müdaxiləni əsaslandırmaq üçün bu iki istiqamətdə “iş” gedir. Klassik təxribat modelidir”.