Ana səhifə Gündəm |
Bu hücumların tək məqsədi ölkəmizdə sabitliyi pozmaqdır.
Axar.az xəbər verir ki, bu barədə Tvitter profilində Türkiyənin sabiq prezidenti Abdullah Gül yazıb. O, PKK-nın dünən Hakkaridə gerçəkləşdirdiyi qanlı hücumu qınayıb:
"Prezidentliyim dövründə Hakkaridə xüsusi təyinatlıların briqadalarını iki dəfə ziyarət edib, bir gecə isə qəhrəman əsgərlərimizin qonağı olmuşdum. Coğrafi baxımdan çox çətin olan bölgədə xalqın təhlükəsizliyini təmin etmək üçün xidmət keçən əsgərlərimizə qarşı xain terror hücumunu lənətləyirəm. Dağlıcadakı hücumda şəhid düşən əsgərlərimizə Allahdan rəhmət, yaralılara təcili şəfalar diləyirəm. Bu hücumların tək məqsədi ölkəmizdə sabitliyi pozmaqdır".
Qeyd edək ki, PKK-nın dünən Hakkarinin Dağlıca bölgəsində təşkil etdiyi bombalı hücumda 16, bəzi mənbələrə görə isə 21 əsgər şəhid olub, çox sayda isə yaralı və əsir götürülənlərin olduğu bildirilib.
Tarix
2015.09.07 / 16:13
|
Müəllif
İlham Sahiloğlu
|