Xəbər verdiyimiz kimi, Cəlilabad və Yardımlı rayonlarında yerləşən köhnə qəbiristanlıqlara baxış keçirilən zaman Azərbaycanda ilk dəfə olaraq, daş buğa (camış) fiquru aşkar olunub. Yayılan məlumatda buğa və camışın ayrı heyvan olmasına baxmayaraq, yanaşı istifadə olunması çaşqınlıq yaradıb.

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəhbəri Nuridə Allayarova Axar.az-ın sorğusuna cavab olaraq bildirib ki, fiqurların hələ buğa yaxud camış başı olması dəqiq tədqiq olunmayıb:

“Qoç indiyə kimi tapıntılar arasında çox geniş yayılmış simvol idi. Amma buğa, camış hələ aşkar olunmamışdı. Hazırda araşdırılma işləri getdiyinə görə məlumatda hər iki heyvanın adı qeyd olunub”.