MDB-nin İcraiyyə Komitəsində Birlik dövlətləri rəhbərlərinin beynəlxalq terrorçuluqla mübarizə üzrə bəyanat layihəsi razılaşdırılıb.

Report xəbər verir ki, bu barədə Komitənin mətbuat xidmətinin məlumatında bildirilir.

Məlumata görə, sənəd dinc sakinlərin kütləvi şəkildə qətlə yetirilməsi, tarixi, dini və mədəni abidələrin məhv edilməsini pisləyir.

"Bəyanat layihəsində fəaliyyətləri beynəlxalq sülh və təhlükəsizlik üçün birbaşa təhlükə daşıyan terror qruplaşmalarının kəskin şəkildə artması ilə əlaqədar dərin narahatçılıq ifadə olunur", - deyə İcraiyyə Komitəsindən bildirilib.

Sənəddə, həmçinin dünya ictimaiyyətinə BMT Təhlükəsizlik Şurası və Baş Assambleyasının anti-terror qətnamələrinin tələblərinə riayət etməyə çağırış öz əksini tapıb.