Hərbi əməliyyatlar zamanı yaralanan PKK döyüşçülərinin Türkiyənin Mardin, Şanlıurfa və Diyarbəkir əyalətlərində yerləşən bəzi xəstəxanalarda müalicə olunduğu üzə çıxıb.

Axar.az xəbər verir ki, bu və ya digər şəraitdə yaralanan döyüşçülər sözügedən şəhərlərdə PKK-ya məxsus xəstəxanalarda müalicə olunur. Qeyd edək ki, yaralılar burada gizli şəkildə yerləşdirilir. Həkimlərin də PKK üzvü olduğu istisna edilmir.

O cümlədən, terrorçular tərəfindən qarət edilən ambulans maşınlarındakı ləvazimatların sözügedən xəstəxanalara çatdırıldığı bildirilir.

Xatırladaq ki, iyul ayından bəri Türkiyə Silahlı Qüvvələrinin hərbi əməliyyatları nəticəsində 500-ə yaxın PKK terrorçusu zərərsizləşdirilib.