Parlament seçkilərində durğun və sakit bir dairə var. Bu dairədən YAP-ın iki namizədi irəli sürülüb.

Axar.az xəbər verir ki, 55 saylı Xaçmaz şəhər Seçki Dairəsindən hakim partiyanın vahid namizədi Eldəniz Səlimovdur.

E.Səlimov Xaçmaz rayon İcra Hakimiyyətində İnzibati Ərazi Dairəsi üzrə nümayəndə işləyir. Onun rəqibi isə YAP üzvü olan və öz təşəbbüsü ilə seçkilərə qatılan Flora Ələsgərovadır.

Mərkəzi Seçki Komissiyasının rəsmi saytında F.Ələsgərovanın da artıq namizədliyinin qeydə alındığı haqda məlumat verilib. Onun bioqrafiyası haqda bir sətirlik informasiya yerləşdirilib.

MSK-ın saytında bildirilib ki, xanım namizəd evdar qadındır. İnternet resurslarında da xanım YAP-çı haqda hər hansı bilgiyə rast gəlinmir.

YAP icra katibinin müavini, deputat Siyavuş Novruzov partiyanın seçki siyahısından kənar namizədliyini irəli sürənlərin YAP-dan qovulacağını bildirmişdi.