Rusiya öz milli maraqlarını açıq şəkildə ifadə etməlidir. Moskva üç strateji əhəmiyyətli dənizə nəzarət etməyə borcludur.

Axar.az xəbər verir ki, bu sözləri rusiyalı teleaparıcı Vladimir Solovyov “Rossiya 1” telekanalının efirində deyib.

“Biz daxili və xarici milli maraqlarımızı dərk etməliyik. Aydın şəkildə qeyd etməliyik ki, Azov dənizi tam şəkildə, Qara və Baltik dənizinin isə dörddə üçü Rusiyanın milli maraqlarına daxil olacaq. İstəsəniz də, istəməsəniz də, bu belə olacaq! Bu üç dənizə nəzarət Kremlə keçəcək! Bunun üçün nə qədər lazımdırsa, mübarizə aparacağıq!”, – deyə teleaparıcı bildirib.