2022.09.24 - 23:45

Azərbaycan Respublikasının xarici işlər naziri Ceyhun Bayramov BMT Baş Assambleyasının 77-ci sessiyasının ümumi müzakirələrində Milli Bəyanatla çıxış edib.

Axar.az xəbər verir ki, bu barədə BMT-nin saytı məlumat yayıb.

Nazir qeyd edib ki, koronavirus pandemiya şəklində uzunmüddətli çağırışların dünya ölkələri arasında həmrəyliyə ehtiyac yaradıb. Azərbaycanın xarici siyasət idarəsinin rəhbəri ölkəmizin Qoşulmama Hərəkatına sədrliyi çərçivəsində fəaliyyətindən də bəhs edib.

Nazir pandemiya ilə mübarizədə respublikamızın 80-dən çox ölkəyə yardım göstərdiyini vurğulayıb.

“Azərbaycan beynəlxalq bazarlara enerji resurslarının etibarlı təchizatçısı olaraq qalır. Ölkəmiz işğaldan azad olunmuş ərazilərində kənd və şəhərləri sıfırdan bərpa edir, bu ərazi yaşıl enerji zonası elan edilib”, - nazir deyib.

Nazir çıxışında BMT ilə Azərbaycan arasında əlaqələrə toxunub. Ermənistanın Azərbaycana qarşı təcavüzü, ikinci Qarabağ müharibəsindən danışıb.