İrəvanın Üçtərəfli bəyanatdan irəli gələn öhdəliklərə zidd olaraq Zəngəzur dəhlizinin işə salınması layihəsindən imtina etməsi lazımi gömrük, yoxlama və sərhəd prosedurları həyata keçirilməklə, Laçın dəhlizi boyunca malların və insanların daşınmasına tam nəzarətin tətbiqi zərurəti deməkdir.

Axar.az xəbər verir ki, bu sözləri “Milli müdafiə” jurnalının baş redaktoru, rusiyalı hərbi ekspert İqor Korotçenko qeyd edib.

O bildirib ki, İrəvanın bu addımı Rusiya sülhməramlıları və Azərbaycanın səlahiyyətli orqanlarının nümayəndələrinin birgə Laçın dəhlizindən istifadə etməklə Azərbaycanın dövlət sərhədini keçən (giriş/çıxış) şəxslərin müvafiq qeydiyyatını aparmasını şərtləndirir.