Azərbaycan toponimlərinə hörmətlə yanaşırıq.

Axar.az xəbər verir ki, bunu bu gün yerli jurnalistlərə açıqlamasında Azərbaycan ərazisində müvəqqəti yerləşdirilən Rusiya sülhməramlı qüvvələrinin komandanı general-mayor Andrey Volkov deyib.

"Rusiya-Türkiyə Birgə Monitorinq Mərkəzindən bütün toponimləri Azərbaycan tərəfinin bizə göndərdiyi adlarla yazırıq. Amma təəssüf ki, Rusiya Müdafiə Nazirliyinin saytında bu adlara düzgün əməl edilmir. Lakin qeyd etdiyim kimi, biz sülhməramlılar bütün toponimləri düzgün təqdim edirik. Yoxlaya da bilərsiniz.

Məsələn: yazırıq Xankəndi, yazırıq Ağdərə. Bizim Baş Qərargahın xəritələrində isə adlar sovet dövründə qalıb, "Stepanakert", "Mardakert" yazılıb. Toponimlərə nə aiddirsə, biz ona hörmət edərək Azərbaycanda necə səslənirsə, elə də yazırıq", - Volkov vurğulayıb.