Yuxarı

Bakı İrandakı bu qüvvələri xəbərdar edir - Arkov

Ana səhifə Gündəm
12 Punto 14 Punto 16 Punto 18 Punto

İranda daxili siyasi vəziyyət son dərəcə qeyri–sabitdir. Ölkə siyasi böhrana qərq olub. Bəli, vəziyyət bir çox cəhətdən xarici qüvvələr – Qərb, İsrail və Səudiyyə rəsmiləri tərəfindən qarışdırılır və sabitliyin pozulması toxumları münbit torpağa səpələnir. Yayı sonsuzluğa qədər sıxa bilməzsiniz, gec-tez sıxan adamın əli zəifləyəcək və güclü əks-təsir olacaq.

Bu barədə Axar.az-a açıqlamasında tanınmış rusiyalı politoloq, PolitRUS ekspert-analitik şəbəkəsinin rəhbəri Vitali Arkov bildirib.

"İndi Ayətullah Əli Xamenei yaşı və xəstəlikləri səbəbindən faktiki olaraq proseslərə təsirini itirən zaman həm Ekspertlər Şurasında, həm də bütövlükdə İran isteblişmentində biz hakimiyyət uğrunda mübarizənin, ciddi daxili elit münaqişələrin fəallaşdığını müşahidə edirik. Bu, molla rejimini çox zəiflədir və ali hökmdarın dəyişməsi ilə bağlı vəziyyətin “Yeni İran inqilabı” və hətta vətəndaş müharibəsi üçün tətikləyici olacağı mümkündür. Bu, qonşuları və əlbəttə ki, İranla çox əlaqəsi olan Azərbaycanı narahat etməyə bilməz. Aydındır ki, Azərbaycana İrandan qaçqın axını, ilk növbədə etnik azərbaycanlıların gəlişi baş verəcək. Əlbəttə ki, Bakı onları qəbul edəcək, amma infrastruktur, iqtisadiyyat baxımından da buna hazır olmaq vacibdir, qaçqınların yerləşdirilməsi üçün düşərgələr hazırlamaq lazım gələcək", - ekspert qeyd edib.

Arkovun sözlərinə görə, təhlükəsizlik baxımından da Bakı addımlar atacaq. Axı qaçqın adı altında SEPAH agentləri və komandoları Azərbaycana kütləvi şəkildə keçə bilər, bunun qarşısını almaq vacibdir:

"İkinci vacib məqam. İndi İranın başında hansı qüvvələrin olacağını, mövcud geosiyasi fikir ayrılıqlarını hərbi yolla həll etməyin ağıllarına gəlib-gəlməyəcəyini anlamaq, proqnoz etmək mümkün deyil.

İranla sərhəddə təlimlərdə güc və qətiyyət nümayiş etdirən Bakı bununla Tehrandakı "qaynar başları" soyudur, İranın indiki rəhbərliyini (heç vaxt Azərbaycan-İran münasibətləri İran Prezidenti Rəisi dövründə olduğu kimi qızışmayıb) və dövlət çevrilişi zamanı İslam Respublikasında hakimiyyətə gələ biləcək qüvvələri xəbərdar edir”.

Tarix
2022.12.05 / 17:49
Müəllif
Əli Məmmədov
Digər xəbərlər

Azərbaycan bizi yarı yolda qoymayan tərəfdaşımızdır - Slutski

XİN Xankəndi Kommunikesi barədə məlumat yaydı

Dağıstan rəhbəri Rusiya və Azərbaycana çağırış etdi

Rusiya Bakıya heyət göndərir: Putinin şəxsi mesajı...

Azərbaycan ABŞ-a başsağlığı verdi

Rusiyada bu qurum Azərbaycana müraciət etdi

Sülh sazişi ilə bağlı müzakirələr tamamlanıb - Əmirbəyov

Mirziyayevin Azərbaycana səfəri əhəmiyyətlidir...

Rusiyadan Azərbaycana gələn turist sayında azalma var?

Bakı-Moskva gərginliyi: Ərdoğanın bu sözləri Putinədir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla