Rusiya mətbuatı Azərbaycanda start götürən seçki prosesini işıqlandırmaqda davam edir.

Secki-2015.az-ın xəbərinə görə, Ria.ru saytında yayılan informasiyada qeyd olunur ki, səsvermə səhər saat 8:00-dan başlayıb və axşam saat 19:00-a qədər davam edəcək.

Parlamentin fəaliyyəti barədə də məlumat yerləşdirən Rusiya saytı yazır ki, Azərbaycanın ali qanunverici orqanı 125 deputatdan ibarətdir və seçkilər majoritar sistemlə keçirilir.

Mərkəzi Seçki Komissiyasının məlumatına əsaslanan saytda bildirilir ki, 125 yer uğrunda 767 namizəd rəqabət aparır və orta hesabla hər mandata 6 nəfər iddialıdır. Namizədlərin əksəriyyəti siyasi partiyalar tərəfindən irəli sürülüblər. Seçkilərdə 15 partiya, eləcə də 7 müxalifət partiyasının daxil olduğu Azadlıq-2015 seçki bloku iştirak edir.