Hazırda 500-ə yaxın seçici səsvermədə iştirak edib.

Bu məlumatı Axar.az-a 26 saylı Sabunçu I Seçki Dairəsinin 7 saylı seçki məntəqəsinin sədri Flora Həmidova verib.

Onun sözlərinə görə, ümumilikdə seçki siyahısında 1495 seçicinin adı var. Məntəqə sədri hər hansı seçki saxtakarlığına yol verilmədiyini, veb kameralar quraşdırıldığını, yüksək səviyyədə seçki təşkil olunduğunu bildirib.

F.Həmidova digər məntəqələrlə müqayisədə burada daha çox seçici aktivliyi müşahidə olunduğunu söyləyib.

Onun fikrincə, məntəqənin Bakıxanov qəsəbəsinin mərkəzində yerləşməsi və seçicilər üçün strateji baxımdan əlverişli olması buna səbəbdir. Həmçinin yerli və beynəlxalq müşahidəçilər də bu məntəqə üzrə seçki prosesini müşahidə ediblər.

Dairə üzrə 8 saylı məntəqənin sədri Rüxsarə Əliyeva qeyd edib ki, indiyə qədər 450 nəfərə yaxın seçici öz deputatını seçib. Seçici siyahısında 1483 nəfərin adı var. Məntəqə sədri seçkidə şəffaflığın təmin olunduğunu vurğulayıb.