Milli Məclisə keçirilən seçkilərdə Gəncənin Nizami rayonundan iki yeni deputat qalib gəlib.

Axar.az xəbər verir ki, 37 saylı Nizami I Seçki Dairəsində Pərvin Kərimzadə, 38 saylı Nizami II Seçki Dairəsində Naqif Həmzəyev millət vəkili seçilib.

Ötən parlament seçkilərində 37 saylı Nizami I Seçki Dairəsindən Aydın Abbasov, 38 saylı Nizami II Seçki Dairəsindən isə Asəf Hacıyev deputat seçilmişdi. Bu seçkilərdə onlar namizədliklərini irəli sürməmişdilər.

Qeyd edək ki, gənc deputat N.Həmzəyev Gəncənin Kəpəz rayon icra başçısının müavini olub. P.Kərimzadə isə YAP Gəncə şəhər təşkilatı Qadınlar Şurasının sədridir.