Sabah Parisdə Avropa Birliyinin Siyasi məsələlər və Demokratiya Komissiyasının iclası keçiriləcək.

Axar.az xəbər verir ki, görüşdə Dağlıq Qarabağ məsələsi də müzakirə ediləcək. Komissiyanın iclasında Böyük Britaniyadan olan deputat Robert Uolterin "Dağlıq Qarabağ və Azərbaycanın digər işğal olunmuş ərazilərində eskalasiyanın artması" hesabatı dinləniləcək. Komissiya bu hesabatı təsdiqləyəcəyi təqdirdə o, 2016-cı il AŞPA-nın yanvar sesiyasındakı müzakirəyə çıxarılacaq.

Qeyd edək ki, Robert Uolter bu ilin sentyabrında Azərbaycana səfər etmişdi. O, səfəri zamanı cəbhə bölgəsində olmuş və təmas xəttindəki situasiyanı öyrənmişdi. Sonradan jurnalistlərə açıqlama verən Uolter Qarabağ konflikti ilə bağlı hesabat hazırladığını və Ermənistanın bütün imkanları ilə bölgədəki situasiya barədə ona məlumat verməkdən imtina etdiyini bildirmişdi.