Axar.az
Yuxarı

Rusiya Donbas döyüşçülərini Qarabağa göndərir – Şok

Ana səhifə Gündəm
12 Punto 14 Punto 16 Punto 18 Punto

Donbasdakı qiyamçılar təkcə Suriyaya yox, Tacikistan və Dağlıq Qarabağa da göndərilir.

Axar.az xəbər verir ki, bunu öz Feysbuk səhifəsində rusiyalı hərbi jurnalist, "Novorossiya"ya yardım layihəsinin koordinatoru Aleksandr Juçkovski paylaşıb.

Onun sözlərinə görə, Suriyaya gedən şəxslərə yaxşı maaş və Rusiya vətəndaşlığı təklif edilir:

"Rusiya Suriya əməliyyatlarını başlayanda mən Donbasdakı qiyamçılara görüşdüm. O zaman Suriya üçün döyüşçülərin təsir altına salınması mənim üçün böyük problem kimi görünmürdü. Bir çoxları getmək arzularının olduğunu bildirdi. Bunların sayı təxminən 30 nəfər idi. İndi mən görürəm ki, bu problemi düzgün qiymətləndirməmişəm. Qiyamçılarla bağlı təşviqat geniş və sistemli şəkildə aparılır. Mənə məlumdur ki, Suriyaya Donbasdan artıq 700-ə yaxın insan gedib. Bəziləri isə bunların sayının 1000 olduğunu deyir. Aydın görünür ki, könüllülərin toplanması xüsusi xidmət orqanlarının xətti ilə təşkilatlanıb və mərkəzləşdirilib. Bunlar arasında insanların toplanmasına görə cavabdeh olan kuratorlar, bölmələrə gedərək, komandir və döyüşçülərlə əlaqə quran təşviqatçılar var. Onları Suriyaya ezamiyyətə göndərməyə razı salmaq üçün Rusiya vətəndaşlığı və yaxşı maaş (maaş adətən hazırlıq və vəzifədən asılı olaraq 90 mindən 250 minə qədərdir) vədi verirlər. Hətta bu insanları inandırmağa çalışırlar ki, burada ediləcək başqa şey qalmayıb, Donbasda müharibə qurtarıb və indi Rusiyanın maraqları üçün Suriyada savaşmaq lazımdır. Onlarla ilk növbədə razılaşanlar isə daha çox Çeçenistan, Yuqoslaviya və digər savaşların iştirakçılarıdır. Maraqlıdır ki, döyüşçülərə Rusiyanın maraqlarını təkcə Suriyada yox, həm də Tacikistan və Dağlıq Qarabağda da qorumaq təklif edilir. Burada da çətin vəziyyət yaranıb və istənilən an kəskinləşə bilər. Doğrudur, mən hələ məlumatlı deyiləm ki, buraya kimisə göndəriblər, amma çox güman ki, bunlar gələcək üçün atılan bünövrədir. Əgər qlobal destabilizasiya üçün məqsəd varsa, Rusiya müxtəlif yerlərdə münaqişə ocaqlarını alovlandıracaq. O zaman, əlbəttə ki, Tacikistan və Qarabağ da bundan bəhrəsini götürəcək. Moldovada Dnestryanı, Baltikyanı, Şimali Qafqaz da həmin ocaqlardan olacaq. Lakin mən Rusiya sərhədində yerləşən ən qaynar nöqtə olan Donbasda hər şeyin başa çatdığını və insanların buradan aparılmasını düzgün hesab etmirəm".

Tarix
2015.11.07 / 09:00
Müəllif
İlkin Həsənov
Şərhlər
Digər xəbərlər

Mehriban Əliyeva göstəriş verdi, təyyarə yola düşdü

Aksiya ərazisindən 73 maşın keçdi

Ermənilərin İranla hücum planı ifşa edildi - İrəvandan reaksiya

Türkiyə mətbuatı: Azərbaycan xalqı səfərbər oldu

FHN-in növbəti 229 nəfərlik qrupu Türkiyədə

Prezidentin xüsusi nümayəndəsi Bihari ilə görüşdü

Bu ərazidəki azərbaycanlılar ölkəyə təxliyə olundu

Piterdə Türkiyə üçün xeyriyyə gecəsi keçiriləcək

Ermənistan və İran Laçına hücuma hazırlaşır - Şok plan

Azərbaycan başda olmaqla, bu ölkələr... - Ərdoğan

KULT
<>
Xəbər xətti
Axar.az'da reklam Bağla
Reklam
Bize yazin Bağla