Bir neçə dəfə silahları yerə qoymaqla bağlı çağırış etdim, PKK qarşılıq vermədi. Liderliyimə sanki meydan oxudular.

Axar.az xəbər verir ki, bu barədə Türkiyə hökumətinin rəsmiləri ilə görüşü zamanı PKK lideri Abdullah Öcalan deyib.

O, 1 noyabr parlament seçkisində HDP-nin məğlub olmasının səbəblərini açıqlayıb:

"HDP-nin səslərinin aşağı düşməsi məni üzdü. Mən "silahlar susmadığı müddətcə sülhdən danışmaq olmaz", - demişdim. Qulaq asmadılar, haqlı çıxdım. PKK və HDP-nin özlərini tənqid etmələrinin vaxtıdır. Siyasətləri çökdü, uğursuz oldular. Ən kiçik problem zamanı silaha əl atdılar, dövlətlə vuruşdular. Əldə etdiyimiz uğur heç oldu. Təşkilat çox itki verdi. PKK-nın xalqı qiyama təşviq etmə çağırışı boşa çıxdı. Bu strategiya tamamilə səhv idi. PKK xalqın nəbzini tuta bilmədi. Xalqın nə istədiyini doğru analiz edə bilmədilər. Bir neçə dəfə silahları atmaqla bağlı çağırış etdim, PKK qarşılıq vermədi. Sanki liderliyimə meydan oxudular. "Silahları atmağa biz qərar verəcəyik", - dedilər. Prosesi doğru anlamadılar".