Türkiyənin “Baykar” şirkətinin texniki direktoru Səlcuq Bayraqdar Azərbaycanın Tehrandaki səfirliyinə qarsi törədilmis xain hücumu şiddətlə qınayıb, Azərbaycan xalqına başsağlığı verib.

Axar.az xəbər verir ki, bu barədə Səlcuq Bayraqdar Tvitter hesabında paylaşım edib.

"Şəhid olan qardaşımıza Allahdan rəhmət, yaralananlara isə tezliklə şəfa diləyirəm. Xalqımıza başsağlığı verirəm", - paylaşımda qeyd olunub.

Xatırladaq ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.