Təklif edirəm ki, Milli Məclisin iclaslarından biri İrandakı səfirliyimizə edilən hücuma, ümumən ölkəmizin xaricdəki diplomatik korpuslarının təhlükəsizliyinə həsr edilsin.

Axar.az xəbər verir ki, bunu parlamentin bu gün keçirilən iclasında deputat Qüdrət Həsənquliyev deyib.

O xatırladıb ki, son dövrdə Azərbaycanın xaricdə fəaliyyət göstərən beş diplomatik korpusuna hücum edilib.

Deputat əlavə edib ki, xaricdə Azərbaycan səfirliklərinin təhlükəsizlik xidmətində silah olmalıdır:

“Biz səfirliklərdə oluruq və görürük ki, onların təhlükəsizlik xidmətlərinin əməkdaşları zirehli gödəkçə geyinirlər və silahlı olurlar”.