Azərbaycan Prezidenti İlham Əliyev və Ukrayna Prezidenti Pyotr Poroşenko cümə günü baş tutan telefon söhbəti zamanı dövlətlərin ərazi bütövlüyü və milli təhlükəsizlik çağırışlarına müqavimət göstərmək üçün səylərin birləşdirilməsinin mümkünlüyünü müzakirə ediblər.

Axar.az Arab.com-a istinadən xəbər verir ki, bu haqda ilkin məlumatı Ukrayna prezidentinin rəsmi saytı yayıb.

Ukrayna prezidenti hazırda Ukrayna–Azərbaycan münasibətlərinin uğurla dərinləşdirilməsi üçün bütün zəminlərin mövcud olduğunu açıqlayıb. O, həmçinin xarici təcavüz, milli təhlükəsizlik və ərazi bütövlüyü istiqamətində təhdidlərə məruz qalan Azərbaycan və Ukraynanın beynəlxalq hüququn baza prinsiplərinin qorunmasında birləşməli olduğunu da vurğulayıb.

Bununla yanaşı, Pyotr Poroşenko İlham Əliyevi Ukraynanın Dağlıq Qarabağ münaqişəsi ilə bağlı Azərbaycanın ərazi bütövlüyünə hörmət etdiyini, ölkəsinin mövqeyinin dəyişməz qaldığına əmin edib.

Öz növbəsində Prezident İlham Əliyev bildirib ki, Azərbaycan tərəfi də Ukraynanın ərazi bütövlüyünü dəstəkləyən mövqedədir.