Amansız terror aktları nəticəsində Parisdə çoxsaylı insan həlak olub və yaralanıb. Həlak olanların ailələrinə dərin hüznlə başsağlığı verir, yaralananlara şəfa diləyirəm.

Axar.az xəbər verir ki, bu barədə Azərbaycan Respublikası Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov öz Tvitter hesabında yazıb.

"Terrorizm bu gün dünyanın bütün ölkələrinə ən böyük təhlükələrdən biridir. Bu təhlükəni aradan qaldırmaq üçün bütün dövlətlər səylərini birləşdirməlidir. Heç olmasa, hər bir dövlət terrorizmlə mübarizədə digər maraqlarını kənara qoymalı və bu məsələdə bütün dövlətlər ədalətli olmalıdır", - deyə PA rəsmisi qeyd edib.

Qeyd edək ki, Parisdə baş verən terror nəticəsində ölənlərin sayı 150 nəfəri ötüb.