İranın Şərqi Azərbaycan əyalətinin Əhər şəhərində daha 2 azərbaycanlı fəal - Şahin Eynullahi və Səccad Abbasi tutulub.

Axar.az xəbər verir ki, bu barədə informasiyanı Güney Azərbaycan Milli Azadlıq Cəbhəsi yayıb. Təşkilat hər iki şəxsin İran Kəşfiyyat Nazirliyinin (ETTELAAT) Əhər şöbəsinin əməkdaşları tərəfindən dünən yaxalandığını bildirib. Siyasi fəalların harada saxlandığı haqqında heç bir məlumat verilmir.

Qeyd edək ki, bununla da son 5 gün ərzində fars şovinizminə qarşı etirazlar zamanı ələ keçirilən azərbaycanlıların sayı 129 nəfər olub. Bu siyahıya yalnız kimliyi bəlli olan şəxslər daxildir.