"Die Velt" qəzetinin jurnalisti Elian Erenrayxın adı Azərbaycanın qara siyahısına daxil ediləcək.

Bunu Axar.az-a açıqlamasında Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev söyləyib. Onun sözlərinə görə, hazırda bu qadının Qarabağa səfəri məsələsi araşdırılır:

"O, Azərbaycanın Xarici İşlər Nazirliyinin icazəsi olmadan Qarabağa səfər edib. Bununla bağlı araşdırma aparılır. Onun adı Azərbaycanın arzuolunmaz şəxsləri siyahısına daxil ediləcək. Bu səfəri təşkil edən şirkətlə də bağlı araşdırmalarımız gedir".

Qeyd edək ki, bir müddət öncə Elian Erenrayx Qarabağa səfər edərək, reportaj hazırlayıb. Bu reportaj noyabrın 19-da "Die Velt" qəzetində yayımlanıb. Reportajın sonunda Erenrayx Qarabağa səfərini Almaniyanın "Gebeco" şirkətinin həyata keçirdiyini də bildirib.