İŞİD terror təşkilatı 22 noyabr tarixində ABŞ, İndoneziya, İtaliya, Livan və Parisdə yeni hücumlar təşkil etməyi planlaşdırıb.

Publika.az xarici mediaya istinadən xəbər verir ki, beynəlxalq haker qrupu "Anonymous" bununla bağlı məlumatları əldə etdiyini açıqlayıb.

"Anonymous"a görə, İŞİD ABŞ-ın Corciya ştatının Atlanta şəhərində güləş üzrə dünya çempionatının keçiriləcəyi "Philips Arena"da terror aktı təşkil edəcək.

Haker qrupunun məlumatında bildirilir ki, İŞİD-in digər hədəfləri Parisdə qadınların keçirəcəyi kütləvi nümayiş, İtaliyanın paytaxtı Romada qeyd olunacaq Məsih bayramı mərasimi, ABŞ-ın "Five Finger Death Puch" qrupunun İndoneziyada verəcəyi konsert və Livanda bir universitetdir. "Anonymous" İŞİD-in sözügedən hücumları planlaşdırdığına dair dəlilləri səlahiyyətlilərə verdiyini açıqlayıb.