Yuxarı

Bakının Sərsəngə nəzarəti bərpa etməsi qaçılmaz oldu - Video

Ana səhifə Gündəm
12 Punto 14 Punto 16 Punto 18 Punto

Rusiya sülhməramlılarının müvəqqəti nəzarət etdiyi ərazidə yerləşən Sərsəng su anbarı quruyur.

Axar.az Publika.az-a istnadən xəbər verir ki, erməni mənbələrin su anbarından yaydıqları sonuncu foto su anbarıın ekoloji fəlakətlə üzləşdiyini göstərir.

Məlumatlara görə, anbarda suyun səviyyəsi 20 metrdən çox aşağı düşüb və bu tendensiya davam etməkdədir. Sərsəngin quruması bölgədə separatçı rejimin törətdiyi növbəti ekoloji fəlakətdir:

1. Sərsəng Su Elektrik Stansiyasını həddindən artıq yükləyirlər: 44 günlük müharibədən sonra separatçı rejim əsas elektrik enerjisini bu stansiyadan əldə edir və yüklənmə nəticəsində suyun səviyyəsi azalır;

2. Qış fəslində suyun axıdılmasının həcmini artırır, yay fəslində isə qış üçün ehtiyat su toplayırlar, nəticədə anbarın düzgün istismar edilməməsi ekoloji problemlərə yol açır.

Separatçıların qış və yay fəsillərində suyun həcminin artırılması və azaldılması ilə bağlı addımı Azərbaycanın digər əraziləri üçün ciddi problemlər yaradır: qışda etdikləri Tərtər və Ağdamın müəyyən ərazilərinin su altında qalmasına, yayda etdikləri Qarabağın digər ərazilərində su qıtlığının yaranmasına səbəb olur;

“Azadlıq radiosu”nun erməni xidmətinin bu ilin martında Sərsəng su anbarı ilə bağlı hazırladığı reportajda da ermənilər ekoloji fəlakəti etiraf edirdilər. Onlar bildirirdilər ki, Sərsəng SES üçün anbardakı suyun artıq 60 faizi istifadə olunub.

Sərsəng su anbarında yaşanan ekoloji fəlakətin qarşısını almaq üçün Bakı nə edə bilər?

Bu sualın cavabını iki kontekstdə dəyərləndirmək mümkündür:

Birincisi, Sərsəngi xilas etmək məqsədilə ekoloji müstəvidə hərəkətə keçmək;

Bakı ermənilərlə təmaslar quraraq, su anbarına baxış keçirə və ekoloji fəlakətin qarşısını almağın yollarını axtara bilər. Ötən ilin 24 avqust tarixində Azərbaycanın Meliorasiya və Su Təsərrüfatı ASC-nin nümayəndələri ermənilərlə birlikdə Sərsəngə baxış keçirmişdi və su anbarından birgə istifadə ilə bağlı razılıq əldə olunmuşdu. Digər razılaşma əraziyə baxışın gələcəkdə də mütəmadi həyata keçirilməsinə dair idi. Və məhz bu görüşdən sonra separatçılar Sərsəng SES-də yüklənməni artıraraq, suyun səviyyəsinin azalmasını sürətləndirdilər. Görünür, məqsəd ekoloji fəlakətin yaradılması olub. Rəsmi Bakı SES-dəki yüklənmənin aradan qaldırılmasını tələb etməsi də versiyalardan biridir, hərçənd, separatçıların buna əməl etməyəcəyi ehtimalı daha yüksəkdir və onların cavabını da təxmin etmək çətin deyil: “SES-dəki yükslənməni azaltmaq üçün Ermənistandan elektrik enerjisinin verilməsi bərpa olunmalıdır, əks təqdirdə, enerji problemini həll etmək mümkün deyil”;

Mövcud vəziyyət və versiyalar ekoloji müstəvidə addımların atılmasının nəticə verməyəcəyi fikrini ön plana çıxarır.

İkincisi, Sərsəngə nəzarətin bərpa olunması məqsədilə hərbi müstəvidə hərəkətə keçmək;

Qarabağda separatçı-terrorçu rejimin silahlı dəstələrinin yerləşdiyi ərazilərdən biri də Sərsəng ətrafındadır. Ötən ilin 3 avqustunda separatçıların təxribatına cavab olaraq keçirilən əməliyyatda da ordumuz PUA-larla Sərsəng su anbarının yaxınlığında yerləşən (Kəlbəcərin Heyvalı kəndi istiqamətində) terrorçuların kazarmalarına zərbələr endirmişdi. Bu o deməkdir ki, Sərsəng ətrafında yerləşən terrorçu rejimin dəstələri Azərbaycan ordusunun legitim hədəfidir və Bakı bu hədəfləri sıradan çıxarmaq məqsədilə hərəkətə keçə, buna paralel olaraq, su anbarına nəzarəti bərpa edə bilər.

Sərsəng su anbarına nəzarətin bərpa edilməsinin birdən çox əhəmiyyəti var:

a) Anbarın üzləşdiyi ekoloji fəlakətin qarşısı alınacaq;

b) Qarabağın digər ərazilərinin qışda su basmasına, yayda susuz qalmasına son qoyulacaq;

c) Azərbaycanın bir çox rayonunun üzləşdiyi su qıtlığı probleminin böyük qisminin həllində mənbə əldə ediləcək;

Bütün bunlar hərbi müstəvidə addımın atılması seçiminin daha efektiv nəticələrinin ola biləcəyini deməyə əsas verir.

Və Sərsəngə nəzarətin bərpa edilməsi separatçıların elektrik enerjisi mənbəsindən böyük ölçüdə məhrum olmasına, daha çətin vəziyyətə düşmələrinə səbəb olacaq amildir. Bu isə onların Bakıya təslim olmasını, yaxud Qarabağdan qaçmasını sürətləndirə bilər. Qarabağdakı ermənilərin digər ehtiyacları kimi elektrik enerjisi təminatı da reinteqrasiya prosesi çərçivəsində Azərbaycan hökuməti tərəfindən tam şəkildə həll edilə bilər.

Tarix
2023.04.22 / 12:20
Müəllif
Axar.az
Şərhlər
Digər xəbərlər

Bir ailədən üç nəfər niyə namizəd oldu? - Açıqlama

Trampa atəş və Əliyevin dərhal reaksiyasının səbəbi...

İndi Trampın qarşısını heç kim ala bilməyəcək - Şərh

Bu sirr açılanda Putinə “hücuma keç” dedilər – Sensasion şərh

İlham Əliyev Trampa sui-qəsdlə bağlı paylaşım etdi

Ermənistan sərhəddəki xərcləri “məxfi pulla” ödəyir

İrandan gözlənilməz Zəngəzur açıqlaması: İrəvan bilər…

NATO tarixində ilk: Bu ölkəni açıq təhdid etdi!

Bakı savaşa başlasa, İran İrəvana yardım edəcək? – Səfirin cavabı

Azərbaycanın heç bir torpağı işğalda deyil - İran səfiri

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla