Biz Liviyada buraxdığımız səhvləri təkrar etməməliyik.

Axar.az xəbər verir ki, bunu İtaliya mətbuatına müsahibəsində Baş nazir Matteo Rentsi söyləyib. Onun sözlərinə görə, Liviyaya müdaxilə yanlış qərar idi:

"İtaliyanın mövqeyi aydın və ciddidir. Biz gərək terrorçuların qarşısını alaq. Strategiya olmadan biz reklam xarakterli reaksiyalar göstərməməliyik. Biz Liviyanın təkrarlanmasından başqa hər şeyi edə bilərik. Biz artıq bir dəfə kimlərinsə arxasınca getmişik. İtaliya bu strategiyadan 2011-ci ildə Liviyaya qarşı istifadə edib. Biz könülsüz şəkildə Sarkozinin mövqeyini müdafiə edirdik. Liviyadakı vətəndaş müharibəsi uğurlu qərar deyildi və ona görə də strategiyanı dəyişmək lazımdır".

Qeyd edək ki, 2011-ci ildə Liviyada yerli tayfalar mərhum lider Müəmmar Qəzzafiyə qarşı üsyan qaldırdılar. Bunun ardınca Qərb ölkələri xüsusilə Fransanın dəstəyi ilə Qəzzafi hakimiyyətdən devrilərək, qətlə yetirildi.