Prezident İlham Əliyevin liderliyində Azərbaycan milli maraqlarına uyğun olaraq inkişaf yolunda inamla irəliləyir.

Axar.az xəbər verir ki, bunu Çinin xarici işlər nazirinin müavini Ma Caosu Pekində Azərbaycanın Müstəqillik Günü münasibətilə keçirilən tədbirdə deyib.

O, əmin olduğunu vurğulayıb ki, zəhmətkeş və müdrik Azərbaycan xalqı yeni-yeni nailiyyətlər qazanacaq.

Müstəqillik Günü münasibətilə Azərbaycan xalqını təbrik edən Çinin xarici işlər nazirinin müavini Ma Caosu, ötən ilin sentyabrında Şanxay Əməkdaşlıq Təşkilatının sammiti çərçivəsində keçirilmiş görüşdə dövlət başçıları Si Szinpin və İlham Əliyevin ölkələrimiz arasında müxtəlif sahələrdə əlaqələrin inkişafı, qarşılıqlı etimadın və dəstəyin gücləndirilməsi ilə bağlı razılıq əldə etdiklərini xatırladıb.