Bu gün Türkiyənin 10 şəhərində "paralel dövlət" əməliyyatı keçirilib.

Axar.az DHA-ya istinadən xəbər verir ki, əməliyyat nəticəsində 65 nəfərin saxlanmasına dair qərar qəbul edilib. Həmin şəxslərdən 43 nəfərinin Türkiyə xaricində olduğu müəyyənləşib. Haqqında həbs qərarı verilənlərin arasında jurnalist Əkrəm Dumanlı, iş adamı Akın İpək, Fatih Universitetinin rektoru Şərif Əli Təkalan da var. Tutulanlardan 2 nəfərin Ankarada yaxalandığı bildirilir.

İzmirdə keçirilən əməliyyatla Ədalət və İnkişaf Partiyasının sabiq millət vəkili İlhan İşbilən də tutulub. Fətullah Gülənə yaxınlığı ilə tanınan İ.İşbilən polis idarəsinə aparılıb.