Qərbin sanksiyalarla əngəlləməyə çalışdığı Rusiyada mikroçiplərin və əsas elektron komponentlərin tədarükü artıq müharibə başlamazdan əvvəlki səviyyəyə qayıdıb. Bir sıra dövlətlər, o cümlədən postsovet ölkələri bu işdə Rusiyaya kömək edir.

Axar.az xəbər verir ki, bunu ABŞ Dövlət Departamentinin sanksiyalar siyasəti üzrə koordinatoru Ceyms Obrayn deyib.

“Avropa şirkətləri elektron məhsulları üçüncü ölkələrə satır, oradan isə Rusiyaya təkrar ixrac olunur. Söhbət müasir silah sistemlərinin yaradılması üçün zəruri olan mikroçiplərdən, prosessorlardan, elektron lövhələrdən gedir. Əsas təkrar ixrac axınları NATO üzvü olan Türkiyədən, həmçinin Birləşmiş Ərəb Əmirlikləri, Gürcüstan, Ermənistan, Qazaxıstandan keçir”, - o bildirib.